कहिया आइ छावा घर कहथुहि दाइ

थारु भाषा के मुक्तक कहिया आइ छावा घर कहथुहि दाइ सद्द म्वार बत्या हेर्ति रहथुहि दाइ । मै लाहुर आइबेर लानल ऋनके पथ रात दिन साहुक बचन सहथुहि दाइ । चन्द्र बिबस अनुरागि डुरुवा ९ ड्वाङ्गपुर हाल मलेसिया

नारी गजलकार सरस्वती थारू

गजल 
टुहिन मैया कर्ना टुहार साली हुइटु मै 
मैया कैख बलैना हुकार काली हुइटु मै 

मनम छैलो मुटुम छैलो यी जिन्दगीम 
ढुकढुकी सम पुगल हरेक नाली हुइटु मै

सुगन्धित बा हमा मैया छुठा सारा अंग२
मिठ मैगर बसैना फुलक डाली हुइटु मै

हमा मैया गुज्ठा सबओर गुज्टी रह सद्द
सुरताल मिलल मन्द्रा टु झ्याली हुइटु मै

दुख सुखम सङ्ग रना जिन्दगानी टुहार
लक्ष्मी सरस्वती दुर्गा महाकाली हुइटु मै 

~~~~~सरस्वती थारु~~~~~~~~~~~~
~~~~कालिका-२ बर्दिया~~~~~~~~~~
~~~~~हाल नेपालगंwww.facebook.com/tharugirlsज~~~~~~~~~~~

बिदेश आइबेर जब द्वारिमसे छिर्नु त आंस खसल

मुक्तक 

बिदेश आइबेर जब द्वारिमसे छिर्नु त आंस खसल
बैथहो मै जाइतु कैख झ्वाला भिर्नु त आंस खसल ।

सक्कु इस्त्र मित्रन स्यावा ढ्वाक से बिदाइ कर्ख
मै अक्कल्हे केल बसम चिहुर्नु त आंस खसल ।

चन्द्र बिबस अनुरागि 
डुरुवा ९ ड्वाङ्गपुर
हाल मलेसिया

अस्तेहो हजुर गरिबके जिन्दगि, घर छोर्के बिदेश जाइ पर्ना ।

भावना


अस्तेहो हजुर गरिबके जिन्दगि, घर छोर्के बिदेश जाइ पर्ना ।
बिहानसे रात सम आनक काममा धाइ पर्ना ।।

कैसिक जिउ अकेलि मै, तोहर बिना जिये नि सेकथु ।
जत्रा भुलाई खोज्लेसेफे ,सपना मा तुहिन किल देख्थु।।

रोजल जैसिन निरह्थ ।
खोजल जैसिन निरहथ बिदेशमा ।

मागल जैसिन निरहथ ।
सोचल जैसिन निरहथ बिदेशमा ।

उहमार हम्र युबा हाथमा-हाथ मिलक आघ बर्ह पर्नाबा ।

हमार देश नेपाल किहिन सोर्ग बनाइ पर्नाबा।।

राजेश(राजु) बर्दिया बगनाहा
१ शाहिपुर
हाल मलेशिया 

भुलोले जसने खरससु याद यघरी चल यसउ तोर

मुक्तक 
भुलोले जसने खरससु याद यघरी चल यसउ तोर
दिनक त बाते छाड देही सुतससु याद रातभरी चल यसउ तोर ।।

यी दिलक कुन कुनामा रहके कतउ यतुरा परिशानी करोईबहि मोके
बिहान हखते फेनसे वसने याद यी याँखी वरिपरी चल यसउ तोर ।।
लेखक : मनिश के महत्त्व 

ई जिन्गी औरक घर काम करके ओरागिल !!

गजल................... 
ई जिन्गी औरक घर काम करके ओरागिल !!
सद्दिमान डोसरक लाग लरके ओरागिल !!

केउ मुक्ति करैनै, केउ मजदुरके झन्डा बोकैनै 
आन्दोलन व युद्धम मरके ओरागिल !!

बहुत कुछ डेम कैक आश फे डेखैल 
वहे आशक बटिया हेरक ओरागिल !!

अधिकारके बात छोरो,पेटक चिन्ता बा 
ठंगेरल सम्झौतापत्र, सरके ओरागिल !!
- महेश कुचिला 
गजल परगा म संकलित बा |

बिगरुइया बनुइया मुरी हो उही ख्याल करो

मुक्तक 
बिगरुइया बनुइया मुरी हो उही ख्याल करो
कटुइया टुक्रुइया छुरी हो उही ख्याल करो

सत्ता ओ पैसक आघ स्वाभिमान हेरागैल
मिलुइया फुटुइया गुरी हो उही ख्याल करो

Som Demandaura

बार्ता ओ बहस करि नि रुक्ना हो सङ्घारिन

https://www.facebook.com/tharusahitykekhojji

Gajal


बार्ता ओ बहस करि नि रुक्ना हो सङ्घारिन /
मधेसी कना हुँकन से नि झुक्ना हो सङ्घारिन //

ठोस के ठोस बात करि आदिवासी हम्र हुइती /
सत्य के डगर्म बाति नि चुक्ना हो सङ्घारिन //

अप्पनेह सक्स्यम बाती कम्जोर नि बनी आब /
औरज कर्डेही कैख नि ढुक्ना हो सङ्घारिन //

निक्री आब आपन ठे ज्या ज्या बा उहो लेख /
लिखाइ सम्बिधान म नि नुक्ना हो सङ्घारिन //

लिखीबोली सब्ज खबर सर्कार न पुगाइक्लाग /
निसुनी त आन्दोलनके बिगुल फुक्ना हो सङ्घारिन //

बुद्दिराम चौधरी
डुरुवा ६ धमकापुर दाङ्ग नेपाल

फुट्लल करम छाई कसिन जिन्दगी

गजल 
फुट्लल करम छाई कसिन जिन्दगी
डुठा भारा मिस आई कसिन जिन्दगी 

सहप्रना कच कच मलिक्वा मलिकन्या
आश् ले मुऊ धुवाई कसिन जिन्दगी 

मन भित्रर मनक इच्छा सक्कु डबाखन
म्वार सक्कु सप्ना हेराई कसिन जिन्दगी 

क'ख पहर्ना उमेर मै मलिकोक घरम
बाबा'डाई कमैया लगाई कसिन जिन्दगी 

भिन्सारी रिझागिल भात हात जराजरा
गोरु भेरी केल चर्हाई कसिन जिन्दगी 

रमिता चौधरी मन्जरी

www.facebook.com/tharusahitykekhojji

थारूनक पहिचान सरकारसे मगैना जरुरी बा

गजलwww.facebook.com/tharusahitykekhojji
थारुक पहिचान सरकारसे मंगैना जरुरी बा !
चुपैल मरल बैठाल थारुण जगैना जरुरी बा !!

मिल्के संस्कृति झल्कई पहिचान बचाई !
रीती उलंघन करना मनैन भगैना जरुरी बा !!

पहिचान हेराइतो बच्ना अधिकार फे हेराई !
हमार पहिचानके लग वाम दगैना जरुरी बा !!

आँखि फुटल सरकार थारुण मदेशी बनैटा !
मदेशी बनुइयान फाँसिम तंगैना जरुरी बा !!

पुर्खसे चलती आइल पहिराण लगाईं हम्रे !
नयाँ स्टाइल फेसन आब बगैना जरुरी बा !!

अमिन कुमार थारू
हाल मलेशिया
बर्दिया बनियाभार
बेल्वा बज्जा ६

फुलरीया

थारू भाषक साहित्यक रेडियो कार्यक्रम फुलरीया
फेसबुक पेज Www.facebook.com/fhulariya

webster : www.radionayayug.blog.com

शनिवार बाहेक हरेक दिन बिहानख ९:१५ से १० बाजे सम्www.radionayayug.blog.com

जब तुहिन सम्झु आखिसे आश गिर

मुक्तक 

जब तुहिन सम्झु आखिसे आस गिर
बारम्बार तुहिन पैलकफे आभास गिर

बियोगमा तोहार छतपतैना रह काहुन
सोचु मुहमसे काजे दारबेर गास गिर

नरेश कुशुम्या अर्पण

माघ विशेष थारू गीत

http://soundcloud.com/tharucommunity/sakhiyai-ho-maghak-guri-guri

सजना गीत

http://soundcloud.com/tharucommunity/07-sajana-geet

म्वार मन मन्दिरम

गजल
म्वार मन मन्दिरम बैठाईल बाटु तुँहिन |
डिउटा मान्ख पुजा चलाईल बाटु तुँहिन ||

दिन रात सम्झनाम आख सतिना यीहाँ |
जीना मुना सहारा बनाईल बाटु तुँहिन ||

प्रत्येक दिन हप्ता गन्टी भेट्ना आशलेख |
च्वाख मैया प्रतिफल पाईल बाटु तुँहिन ||

हर पल हर क्षेन साथ देना सद्दभर महि |
मैयक फुलकबारीम सजाईल बाटु तुँहिन ||

रमिता चौधरी मन्जरी
दाङ

देशम राजनीतीक गरमागरम

मुक्तक 
देशम राजनीतिक गरमागरम बा
का जे टुहाँर मन अट्रा लरम बा

अन्यायक बिगबिगी बह्रल ब्याला
सहटी रना कसिन टुहाँर धरम बा

Som Demandaura

रकटक होली खेलेलहर प्यासी

Gochhada ho gochhada
मुक्तक 
रकतक होली खेलेलहर प्यासी थारु हैने हखही मोई 
घिन लगना त -बसेलहर आची थारु हैने हखही मोई 
बिहणमा फुन हैने डेराइके सोदाने डटके रहे सकबही
कातर हसे त -डर छेरुवा लाछी थारु हैने हखही मोई

खेती पाती मजासे गरैहो

गजल

खेती पाती मजासे करैहो डाई बाबा!
हिलम हाँथ ग्वारा सरैहो डाई बाबा!!

मेहनत कर पर्ठा आज काल धेर!
माना छित्ख मुरी फरैहो डाई बाबा!!

खेती सेक्बो त बिसैहो ठरिक दिन!
साहा म कात्ख धान झरैहो डाई बाबा!!

कर्रक ब्याला ओस्त लान्क धरल धान!
पाछ पाछ डेह्री कुठ्ली भरैहो डाई बाबा!!

और साल त बर्खा कर मैफे आजिम जे!
आइ कि नाहिँ कैख जिन् डरैहो डाई बाबा!!

एम के कुसुम्या
मानपुर २ दाङ
आब मलेशिया