थारू भाषा गजल 

हमार भाषा संस्कृति बचाइ पर्ना अभियानम बाटु
साहित्यम संस्कृति पहिचान ढर्ना अभियानम बाटु ॥

उठो युवा जुटो युवा ए म्वार सक्कु संघारी हुक्र
उठ्ख युवा जुट्ख संघारी आघ सर्ना अभियानम बाटु ॥

थारू भाषा हमार कला संस्कृति पहिचान लेख
संस्कृतिक धनी साहित्यम जग डर्ना अभियानम बाटु ॥

संस्कृति हमार बचाइ प्रथा जाँर डारु हटाइ प्रथा
हटाख जाँर डारु थारु पहिचान भर्ना अभियानम बाटु ॥

मिल्ख आघ बह्री हात म हात मिलाख हम्र सक्कु थारू
मिल्ख थारू साहित्यम आघ बहर्ना अभियानम बाटु ॥

राम पछलदङग्याँ अनुरागि 

हेकुली ८ दाङ्ग