सोम डेमनडौराका

 मुक्तक
1.
याद बहटी बा हुँकाहार अइना अस्रम
चोट सहटी बा हुँकाहार अइना अस्रम

कबु हस्ठुँ ट कबु रुइठुँ बिन ठेगानीक
मुटु डहटी बा हुँकाहार अइना अस्रम
2.
किहु हँसैठु किहु रुइठु दिलसे
प्यारी टुहिनकेल मन परैठु दिलसे

टुहाँर क्वारम जिन्गी जीय चहठु
मै रोक फे टुहिन हँसैठु दिलसे
3.
म्वार मन जरबेर टुँ फुलटहो
पीडाले मुुटु निच्वारबेर टुँ भुलटहो

मै सहटी रनु टुहाँर मैया समझक
मै बिछोड सह्यारबेर टुँ खुलटहो