Naresh Kusumya Arpan
कटौटिहा चोली फुन्नहा टोपी थारुनक पहिचान हो ।
टरिया सुटिया फेचाहा झोटी थारुनक पहिचान हो ।

घोघी गेगटा मुस्वक चट्नी पानीक कपुवा 
खुदिक ढिक्री चाउरक रोटी थारुनक पहिचान हो ।

हुर्डुग्वा सखिया माघउटा नाच चम्क्ना सामुदाएमा
मन्द्रा मन्जिरा कस्तार फुन्नहा धोती थारुनक पहिचान हो ।

सुक्खा भात सिध्रक चट्नी सग सत्कैना
डोन्ड्या ढरिया सेउखक गोटी थारुनक पहिचान हो ।

डोली बारात चन्डोल छाकी डिउटन देना
जारेक झोर करुवक टोटी थारुनक पहिचान हो ।