मुक्तक

आज मै मैयक दलदलम फसल बाटु
यी समाजक अलमलम फसल बाटु

च्वाखा निस्वार्थी मनले मैया कर्नु
हर रात दिन पलपलम फसल बाटु

रमिता चौधरी मन्जरी

खेतीपाती मेहनट कर्ना कमैना हम्र थारु ।

गजल 

खेतीपाती मेहनट कर्ना कमैना हम्र थारु । 
सक्कु जान मिलबाँटके खैना हम्र थारु ।।

आपन सँस्कृतिक गीतबाँस नै बिस्रैना हो ।
गाउँघरम नाचगान कर्के चम्कैना हम्र थारु ।।

माँगर सजना धमार मैना गीतबाँस सक्कु ।
हुर्दुङ्ग्वा सखियाम मन्द्रा बजैना हम्र थारु ।।

आँगम गोन्या चोल्या लेहँगा फर्या बुलुज ।
घेचम सुतिया नाकम नठिया लगैना हम्र थारु ।।

छुनछुन मंजिरा बजैती ओ पुठ्ठा डुम्कैटी नच्ना ।
मन्द्राक गम्कारम छमछम नचैना हम्र थारु ।।

सेबेन्द्र कुसुम्या
हसुलिया कैलाली

गजल

बच्लबाटु जसतस छोर्ख तु गैलसेफे
संघ जिना बाँचाकसम तोर्ख तु गैलसेफे।।

आजटक मै बैठ्लबाटु हेर्ख तुहार बट्या
सद्द नेङ्ना डगर अन्त मोर्ख तु गैलसेफे।।

होसेक्नु मै एक्ठो कुलमुलाइल ब्वाट असक
फूलरेम मलजल दार्ख कोर्ख तु गैलसेफे।।

सजैलबाटु तस्बिर तुहार आपन दिलके कोन्वम
म्वार दिलके द्दवारिक ताला फोर्ख तु गैलसेफे।।

रातभर सपनाम अइठो दिनभर सम्झनाम
महि छोर्ख अन्त नाता जोर्ख तु गैलसेफे।।

गजल

 

दुपहरिया गर्मी मर्ना चैनार बगिया हेराइल | 
उहे संगे रुखुवक मिठमिठ अमिया हेराइल ||

घरअंगना सुहावन मग-मग महकना फूला |
चम्फा, चमेली फूला फूल्ना दहिया हेराइल ||

गाउँक पश्चिउ बाह्रो मास खलखल करती |
जुर, कन्चन पानी बहना लड़िया हेराइल ||

कुर्ता, भेस्ट, जिन्सेक पैंतम समाज सजके |
यहाँ आज सुन्दर झोहवर गतिया हेराइल ||

जमाना बदली कहै पुर्खनके, गोचाली हुक्रे |
कह-कहती नाकेक फेंफी, नथिया हेराइल ||

---रामचन्द्र---
मुनुवा-४, कैलाली

गजल

पुरान मैयाँ त पल बा जे तुँ मै लगैलक !
आँखिम झल झल बा जे तुँ मै लगैलक !!

चौतारीम बैठखन मजा मजा गीत गैती !
कर्लक उ छलफल बा जे तुँ मै लगैलक !!

गोरु भेरी चर्हाइबेरिक याद अइठा हेरो !
सम्झना मन म बाँचल बा जे तुँ मै लगैलक !!

छोर्ख गैलो पराइ हुइलो खुशी र्हो सद्दभर !
चिन्हा रुमाल मल मल बा तुँ जे मै लगैलक !!

दुखाडेठा मन मुटु जब अइठा तुँहार याद !
उहो ब्यथा जागल बा जे तुँ मै लगैलक !!

Budhhi Ram Chaudhari

गजल

छाइ छावन बोर्डिङ स्कुल दारी गोंचाली
पह्राइ लिखाइ बनाइ बरा भारी गोंचाली 

निपहर्नु ठग्वा पैनु नस्से कठ हमार बाज्या
निक्रैनाबा लिह्याइल खेत्वा बारी गोंचाली

काम करुइया हम्र थारु खउइया जुन और 
असीन शासन बरदुर आब सारी गोंचाली

MK Kusumya

मानपुर २ दाङ

गजल

मन मुटुम सद्द तुहिन सजाइल बाटु मै
जिउ ज्यान देना मैया लगाइल बाटु मै

भगुन्वा फे दाहा कर्था देख्ख हमा जोह्री
सद्द भर मैया कर्ना जन्नी पाइल बाटु मै

गोन्या चोल्या भारी सुग्घर लगिल से
हेर्ती जन्नीक नाउँम गजल बनाइ बाटु मै

एक्ठो छावा एक्ठो छाई जर्मीना चाहना
दिनरात मेन्हत कर्ती जिउ तताइल बाटु मै

छुट्टी परिवार खुशी परिवार कति हम्र
हातम हात मिलाख आज आइल बाटु मै

राम पछलदङग्याँ अनुरागि
हेकुली ८ दाङ

anuragi

________गजल__________
साहित्यम से संस्कृति जगिना हो सँघारी|
पुर्खनक पुराण पहिचान बचिना हो सँघारी||
हातम हात ढर्ख मिल्ख हम्र सक्कु सँघारी|
समाजम रहल कुरिती हतिना हो सँघारी||
छाईन फे छावक जस्त पर्ह स्कुल पठाई ||
छाई छावा बराबर सम्झिना हो सँघारी|
आधुनिक जमानाम सज्ना मैना गित खोस्टि||
बर्किमार व धुम्रु गित बजिना हो सँघारी||
हेराइट भाषा संस्कृति पहिचान कहाँ पैबी|
गित गजल कविताम लिखिना हो सँघारी||

राम पछलदङग्याँ अनुरागि

मुक्तक

तुहाँर कारण झुक्ना हुइल शिर कुसुम्यक
जब मर्लो छाती म तुँ तिर कुसुम्यक

 अत्रा मैयाँ करबेर्फे गैलो तुँ त औरजहन्से
 दिन दिन म बहर्ती बा पिर कुसुम्यक

MK Kusumya
मानपुर २ दाङ

राम दास थारु

~गजल~
जय होस जेकर जे संविधान बनाई नि सेकुईयान ।
अश्वासन देहनै पुरा करब अधिकारके लाग अन्दोलन करुइयान ।।

बनी संविधान कहनै सबकेउ यि हमार देशमा ।
पुरा हुइल नि बनल संविधानके सपना देखुइयान ।।

यि कैदेब उ कैदेब कैदेब फलाने देहनै झुठा अश्वासन ।
देहनै धोखा नेता हुक्रे देशकेलाग हाँसी हाँसी मरुइयान ।।

पतीयाउ नाई केक्रो बात बोल्थै सबकेउ झुठ् याहाँ ।
उठेक परल युवा हम्रे नयाँ नेपालके सपना संचुइयान ।।

पदनाह-7 बर्दिया

मुक्तक

आखक म्वा लड्या बनल सावनक पानी जस्त

दुख पिर यी मनम चलल सावनक पानी जस्त

घाइत्या मुटु बनल साथतु म्वार छोर्ख गैलो त

च्वाट दिलम कत्रा सहल सावनक पानी जस्त

_________गजल_________

लर्का पर्कन थारु भाषा बेल्स सिखाइ पर्ना बा !
स्कुल मफे डाइक भाषा लिखाइ पर्हाइ पर्ना बा !!

भाषा साहित्य कला सस्कृती सम्पत्ति हो हमार !
यहि हन जुगौँ जुग सम्मक लाग जोगाइ पर्ना बा !!

हम्र फेन मैयाँ कर्टी बेल्सी आपन मैगर भाषा !
भाषा बेलस्ख फे आपन कर्तब्य निभाइ पर्ना बा !!

हेराजाइ त भाषा हमार हेराजाइ पहिचान सङ्ग !
सक्कुजन मिल्ख यहि हन आब बचाइ पर्ना बा !!

थारु भाषा साहित्य न सन्सार भर चम्काइक लाग !
चारो ओर्से लाग मिल अभियान एक चलाइ पर्ना बा !!

बुद्धिराम चौधरी
डुरुवा ६ धमकापुर दाङ्ग नेपाल

गजल

              गजल                 
सुन्तो थारू तुहाँर संस्कार संस्कृति कहाँ गैल 
थारूनक ऊ बच्ना आधार संस्कृति कहाँ गैल ||

अधिकार खोस्टीबा पहिचान हेरैतीबा थारूनक
थारून चिन्हा सारा संसार संस्कृति कहाँ गैल ||

मैसम अनुसारक हमा थारू गीत बाच थरीथरी
सद्द गैना गीत हमा लगातार संस्कृति कहाँ गैल ||

दश्यम गैना सखिह्या गीत नच्ना मट्टान घरम
नाच ह्यार जुट्ना मनैक बजार संस्कृति कहाँ गैल ||

आख होकी आधुनिक जमाना कि फेर्ख सोच युवा 
हजार बर्ष पुराण हमा हमार संस्कृति कहाँ गैल || 

राम पछलदङग्याँ अनुरागि 

गजल

आपन घरक नारीक - आघ मर्द जिन देखा छोट्का/
गोनिया बुलुज सारीक आघ मर्द जिन देखा छोट्का//

स्याकट्या कलसे उहाँ जा बोल लर मिच्गैल नेपाल/
बेन्वाले ब्यारल बारीक आघ मर्द जिन देखा छोट्का//

किउफे निडेख्ना निसुन्ना कैख बोल्टी हाउभाउ मन /
गुजुम्म बाँसक झारीक आघ मर्द जिन देखा छोट्का//

भगुन्वा हामन डेलबा हाँठ ग्वारा काम कर्ना खैना/
दाई बाबाक पिठारीक आघ मर्द जिन देखा छोट्का//

रगत पसना तागत बिना फँक्ला जिन्दगीम यार /
छुछ्छहे भ्वाँङ्ग भखारीक आख मर्द जिन देखा छोट्का//

"निष्ठुरी " चिज चौधरी 
दाङ्ग धनौरी ८

गजल

छाईंन कम्जोर जी सम्झो सक्कु काम कर् सेक्थ 
परि आइल खण्डम बन्धुक उठा ख युद्ध लर सेक्थ

छाईंन चुल्हा चौकी भात भन्सा केल कर्थ जी कहो 
छावा सरि छाईंन पहरैना हो कल्से धेर पहर सेक्थ

एक्क दाईक सन्तान हुईती हाम्र छावा ओर छाई 
छावा सरि छाई हे फे पहरैलसे हमार ईजत धर सेक्थ 

छाइन काम कल नाही पहर फे पठाई पर्ठा हेरो
छाइन शिक्षित् हूइल से समाज म ज्ञान क ज्योति बार सेक्थ 

====कुमार चौधरी ====
===चितवन नेपाल ====

Saraswati Tharu

‪#‎गजल‬

मई दुखियारीक रुइटी जिन्गी जाइटा
मलिक्वक भाडा धुइटी जिन्गी जाइटा

सुग्घरलुगा किताबकपि लेख पह्र जिना मन 
तर उह कम्लहरी हुइटी जिन्गी जाइटा

छोटी बिगार हुइनि पैना मर्वा पैना बहाना 
आँखिम से आश बुइटी जिन्गी जाइटा

gajal

दस्या आइता जिउरा लगाय जाजाइ असौत
सालिक दिहेल मुर्घिक फेन्द्वा खाजाइ असौत ।

कब्बुनि जांर व दारु पिख अघैना मनै मै
ट्वांता सम पुगाख पिय पाजाइ असौत ।

लौवो लौला जोस देखाइपरि सस्रार गाउंम
करसे उलर उलर मन्द्रा बजाजाइ असौत । 

चन्द्र बिबस अनुरागि
 (हाल मलेसिया)

Ramdas Tharu

जल........ 
आउ लग्गे बैठ्के एक घचिन कुछ बात करोना !
बनी अगर तोहार व मोर कहानी तो शुरुवात करोना !!

तोहार कजरार आँखीम मैयाक रस छलकत देख्तु !
बिन्ती मोरतीन उ मैयाक रसके बर्सात करोना !!

तोहार मन्के बात सुनेकतिन कहियैसे मै तर्सती बातु!
छोरो लजैना धिरे धिरे बोल्ना आंत करोना !!

लागठ बितल छ जनम मै तो तोहारे रंहु!
अधुरे ना रहे यी हो जनम पुरै सात करोना !!

लाज लाग्ठुई आझ तुहिन बोलेक देराई तो तुँह !
पठायौ सन्देशा कोनोदिन मुलाकात करोना !!

Ramdas Tharu

 

~गजल~

साथ बा आस बा सबके हात बा ।
भ्रष्टाचारीन घुस मँग्ना बरे आंत बा ।।

यहर न ओहर नजर बा ओकरेपर ।
आजिक काम कल बनि कहना सबके मात बा ।।

आंजर पांजर हेरो नाई हेरो अपनकील ।
मारो गोली बोलीक सबके यहाँ घात बा।।

सैंतो सक्कुलङसे भरो अपन भुँडी ।
गरिबन मर्ना यहाँ हजार लात बा ।।

कबसम रहबो आँखी तुम्ले कुछ तो अब हेरो ।
कुवाक मेघी कुवाम ना रहो कहना RD क् बात बा ।।

Gajal

तुहार बिना बेर्थ लग्था जिन्दगि तर फे वाचल बाटु 
मुटुक भितर पिर ब्यथा नुकाख बाहिर हासल बाटु 

तु त् महि अकलेहे छोर्ख बाचा कसम तोर्ख गिलो 
यी मनक पिर केहि सुनाउ मै रुईति दिन कातल बाटु 

तुहार वियोगम म्वर कत्रा भुख प्यास निन्द खेर हुईल
तुहिन निपैना भाग्य असिहे हो कैख यी मनह धाथल बाटु 

जिन्दगि नै तुहार नाउ कैदेल रनहु तरफे महि घात कर्लो 
तुहर निम्ति आझ आपन खुसीले पिर ब्यथाम पाकल बाटु 

=======कुमार चौधरी=======
======चितवन नेपाल ======

Mk Kusumya

गजल

आज फेर पुरान छैलक याद आइता
 संघ संघ घुम गैलक याद आइता

जुनि जुनि साथ निछोर्ना कैख हम्र
 बाचा कसम खैलक याद आइता

मैंगर मैयाँ दिहेबेर्फे अग्नि परीक्षा
दिहे पर्ना मझ्नु लैलक याद आइता

मानपुर २ दाङ

gajal

बिरानो हुईल बैस्ना गाउ ठाउ साथ् तु छोर देलो 
मु स्याकल बच्ना आसा मैयक नाता तु तोर देलो

तुहार लागि चोखो मैया जिबन भर मै सच्नु हेरो 
जिबन भर संघ न्यांग्ना डगर आझ तु मोर देलो 

चखेवक जोडी जसिन हमार जोडी बनाइ चहनु मै
मैयाकर्ख तुहिन मुटुम सजईनु उहो मुटु तु फोर देलो

मै रुईल से फे तु हसहो तुहिन म्वार शुभ कामना बा
म्वार खुसि सारा लुत्ख महि आसक तल्वम तु बोर देलो

दुखि यी जिन्दगीम तु महि हास ओर वाच सिखैलो
तुहार लागि मैया साचाल मुटु ह आझ तु निचोर देलो

======कुमार चौधरी ======
=====चितवन नेपाल ======

अनुराग सायर दह्रीवाला

गजल 
नासुनो गजलमा गलचङंगा हुईजिबो
छोरदेउ पिछामोर तुंह नाङंगा हुईजिबो॥

सब चुसलेम तोहार जवानीक मात
कुछ नाईरहिजाई भिखमङंगा हुईजिबो॥

खुब हरियाईलबा हं तोहार जवानी
झारादेम पतिया सारा डरङंगा हुईजिबो॥

मैयाक लाउ खिवाईम तोहार उप्पर
मई घतोरिया तुंह गङंगा हुईजिबो॥

हर बखत चाही तुहिन मोर साथ
डोरिक सहाराम उरना चङंगा हुईजिबो॥


खाता,बर्दिया नेपाल

(हमार बर्दिया )

मुक्तक 

नेङ्नाघुम्ना रमाइलो ठाउ हो हमार "बर्दिया"!!
पुर्खन्हक धरल हो नाउ हो हमार "बर्दिया"!!

राष्ट्रिय निकुञ्ज घुम अइहो हाँठि, गैंरा बाट,
ओक्र लग्घु ठाकुर्द्वारा गाउ हो हमार "बर्दिया"!

सुरज बर्दियाली

गजल

मग-मग महकना दौना-बेबरीक अमुल्य हार देउ महि | 
थारु भाषाक गीत-बाँस सजना, मैना, धमार देउ महि || 

बर्खामास पानी बुँदा, सजना गीतले खेत्वा चैनार रहना |
तिह्वार पिछे गीत हमार गज़ब मिठ बर्किमार देउ महि ||

माघेम सखिया नाच, दशैं हुर्दुन्ग्वा, भोजेक मागर संगे |
बाह्रैमास बज्ना मिठ, सुहावन मन्द्रक छंकार देउ महि ||

छुटै भाषा हमार, पहिचान फे छुटै, मिल्के रहना समाज |
समाजमे सबजे मन्ना मैगर, मज्जा संस्कार देउ महि ||

---रामचन्द्र---
कैलाली, नेपाल

रमिता चौधरी मन्जरी

मुक्तक 

जिन्दगीम बच्ना तु म्वार आधार हुईटो
कभू हासी दुभू दुखी तर संसार हुईटो

तुहाँ याद भरल जीवन कथा बेथा बाट
सम्झनम अईना जिन्दगीक घनकार हुईटो

दाङ बनघुस्री

सुरज बर्दियाली

गजल 
दत्करावन् मेट जिठा रमैबो त गित बाँसम!!
सज्ना मैना गैठ किसन्वा भरली बर्खामासम!!

दुख भरल सज्ना गैठ दुखियारी उ कम्लरी,
सज्ना गैबो त मन हल्का हुइठा कठी खासम!!

मिठ धरान्म गाइल सज्ना गुन्जठ सारा गाउँ
उह धुनम नच्ठ जोग्नी संग भौँरा बतासम!!

पुरुब्से उम्रल बदरिया सितरी छाँही लेख,
गुन्गुनाइ ठुइहिं सज्ना पर्देशि लौट्ना आसम!!

दत्करावन् मेट जिठा रमैबो त गित बाँसम!!
सज्ना मैना गैठ किसन्वा भरली बर्खामासम!!

मुक्तक

थारू भाषा कलाम सजल जिन्दगी हो
डाइँ बाबक मैयम यी बहल जिन्दगी हो

कभू सुख त कभू दुख पईनु जीवनमन
डाइ बाबक नाउँ उठाए पुगल जिन्दगी हो

रमिता चौधरी मन्जरी
दाङ

Ram Chandra

21 April · 

थारु भाषा, संस्कृति बचाई जुटी थारु युवा |
अपन थारु पहिचान बनाई जुटी थारु युवा ||

"हम्रे थारु कौनो हालतमे मधेसी नाई हुई |"
बल्गर नारा मिल्के लगाई जुटी थारु युवा ||

'अई थारु समाज कानम तेल दारके नाई हुई |'
अपन राज्य स्थापना कराई जुटी थारु युवा ||

सरकारमे अन्धा बन्के बैठल हमार नेतनके |
मधेसीम दारल भ्रम हटाई जुटी थारु युवा ||

थारु पहिचान सहितके संविधान जारी कराई |
घर-घरसे खबरदारी जनाई जुटी थारु युवा ||

---रामचन्द्र---
कैलाली, नेपाल

Milan Kusumya

मुक्तक

मैयम पागल , मै हुइटु प्रिया
आँसले सिरनी , मै धुइटु प्रिया

ज्या कहो टुँ , मैया ट करम
यादम बरचो , मै रुइटु प्रिया

नारायण मगर

गजल 

चरल जवानी मही दे धरो साली!
भरल,जवानी मही दे धरो साली!

पापी यि गाऊँ समाज के नजर, 
गरल,जवानी मही दे धरो साली! 

आज से काल काल से परऊ,
बरल,जवानी मही दे धरो साली!

रातदिन तुहार मैयकलाग लर्कन,
मरल,जवानी मही दे धरो साली!

दाई कसम सच कहम म्वार मन,
परल,जवानी मही दे धरो साली!

हलव़ार ८ खाद्रे दाङ्ग

थारू गजल

जाने का कैले रहु साथ मोर छोर देहलो
महिन हे छोर के औरेक संग नाता जोर लेहलो

देहे सेकम कुछु नाइ मै एक थो गरिब न हु
मन एक थो देहल रहू उहिन फे आज फोर देहलो

भरखर तो माया कलेक का हो कैके बुझतहु
हस्ती जिन्गी मे तु आझ बिष घोर देहलो

साथ देम तो कहती रहु सद्दा तुहिन हे
तर फेन विछोड के लहदोरम बिलबोर देहलो

गहीर मैया कैनु सायद यीहे मोर गल्ती रहे
गाउक मनैन के आगे बदनाम मोर मुह मे पतोर देहलो

सन्देश दहित
जानकीनगर खर्गौली , कैलाली

सूचना ! सूचना !! सूचना !!!

यही मिति २०७1 जेठ ४ गते (मे १८ - २०१४)आईतबार को दिन स्काइप मार्फत थारु भाषा साहित्यबाचन कार्यक्रम हुने भएकाले स्काइप समूहमा भएका देश बिदेशमा रहेका साहित्यप्रेमीहरुलाई जानकारी गराइन्छ । यसका साथै, समूहमा नभएका साहित्यप्रेमीलाई som.demandaura1मा अनुरोध पठाउन हुन सादर अनुरोध छ । समय =बिहान ११:०० बजे देख 
भवदीय,
सोम डेमनडौरा र कुमार चौधरी

निरू चौधरी

लागथ ऊ महीसे दुर हुइती
बा।
जुन काम फे झुर हुइती
बा।

अन्जानमे गल्ति हुईल 
हुइ कुछु।
रिसाके बहुत चुर हुइती
बा।

सद्देभर मिठ बोली बोल्ना
मनै। 
काकरे आज क्रुरुर हुइती 
बा।

जब् से जुर पैदा हुइल 
तब् से।
सम्बन्ध कहोर मधुर हुइती बा।

नि बोलथ् आज काल धेर
बदल गिल।
कि केक्रो दबाबले मजबुर
हुइती बा।

Cyaam Ratgainya

 गजल 

हिर्दाम गहीर सांस छोर गैलो
अतरा चम्पन मोर बास छोर गैलो

पत्थर अस आक्खर बनक गैलो तफे
मोर मनम कुछना कुछ आस छोर गैलो

सुन्तहू तुत सबसे खुशी बाटो ओहा
लेकिन मोर यहाँ दुखक रास छोर गैलो

झोप्रिम आगी लगाके महल सजैलो
ठीक बा मोर्लाग सर्बनाश छोर्गैलो

गैलो लत्याके मोर चोखा मायाहे
जीन्दगी भर नैभुलैना उपास छोर गैलो

Cyaam Ratgainya

गजल

1 February 2012 · 

मोर प्यार्के सगरा ठंहाई नैसेक्लो
सावन आइल चेहरा हँसाई नैसेक्लो

समुन्दर्क पानी असक चोख हिर्दाम
एक्कचोकेल दुब्क लहाई नैसेक्लो

आस आस् दिन महीना साल फे बीतल
आस् मारो कैकन काजे बताई नैसेक्लो

दिल्के शाहीलतु काजे लाउमा बैथैलो
किनारा पुगती पुगती नघाई नैसेक्लो

श्याम रत्गैयाँ

मुक्तक
धिउर दिन पाछ उ भेत हुइली तब कसिन कसिन लागल ।
मोर छातिम चपत्क रुइली तब कसिन कसिन लागल ।

एक हिरदा यहोर एक हिरदा ओहर रहल बेला म ।
अक्कल्हे आँस धुइली तब कसिन कसिन लागल ।

Ajit Chaudhary

भावना 

ना दिनम भुक ना रातम निन् कसिन मैयाँ बैठल ससुर 
खाली हुँकाहार याद अइना कसिन मैयाँ बैठल ससुर 

म्वा आनी बानी कसिन आप्फन सोच्थु फे 
जत्रा भुलाउँ कलसेफे भुलाइ निसेक्ना इ मैयाँ फे ससु

सुचना !!! सुचना !!! सुचना !!!!

मलेसियाम "जङ्ग्रार थारू साहित्यक बखेरी" गठन 

नेपालगन्जम रहल प्रमुख शाखा जङ्ग्रार थारू साहित्यक बखेरी गठन गैल शनिबार २७ गते मलेसियाम कैगिल । उ साहित्यक बखेरीक गठन निष्ठुरी चिज के संयोजकम हुईल रह ।

सुस्त सुस्त हरेक दिन हमार थारू कला संस्कृति हेरैटी जैटी बाट ।उहो मार यहीन बचाईक लागि अति आवश्यक ठन्टी थारूभाषा साहित्य सिर्जनाम कलम चलैटी रहल थारू साहित्य प्रेमी हुकन एकजुट करैना हिसाबले यी जङ्ग्रार साहित्यक बखेरी गठन कैगील हो ।

उक्त जङ्ग्रार थारू साहित्यक बखेरीम उपस्थित हुईल सदस्य हुकनके चयनम अध्यक्ष , सचिव ओ सदस्य गठन कर्गील बाट ।
उ शाखाक कार्य समितिम :-

१) अध्यक्ष :- लछु डंगौरा थारू (कैलाली )हाल मलेसिया 
२)सचिव :- निष्ठुरी चिज चौधरी (दाङ्ग)हाल मलेसिया 
३)सदस्य :- राम पछलदङ्ग्या अनुरागि (दाङ्) हाल मलेसिया 
४)सदस्य:- यम के कुसुम्या (दाङ्ग )हाल मलेसिया 
५) सदस्य :- अमिन कुमार थारू (बर्दिया ) हाल मलेसिया 
६) सदस्य :- विवेक चौधरी (रूपन्देही ) हल मलेसिया 
७)सदस्य :- सन्चु चौधरी (दाङ्ग)हाल मलेसिया 
८)सदस्य:- तेतराम चौधरी (बर्दिया ) हाल मलेसिया 
९)सदस्य :- बाबु बसन (दाङ्ग) हाल मलेसियाम
१०)सदस्य :- चन्द्र विवश चौधरी (दाङ्ग) हाल मलेसिया 
११) सदस्य :-.....................
१२) सदस्य :-........................
१३)सदस्य :-..........................
१४)सदस्य :-.........................
१५) सदस्य :-...........................

( यदि मलेसियाम कहु थारू साहित्य प्रेमी बाटी कलसे अप्नहुकन यी बखेरीम स्वागत बाट )। 
हामन सम्पर्क के लाग :----

निष्ठुरी चिज
फोन 0165625036
0185742494

लछु डंगौरा थारू 
फोन 0167659623

राम पछलदङ्ग्या अनुरागि
फोन 0183692611