थारून मधेसीम सटाखन

गजल 
थारून मधेसीम सटाखन बरा जिन बन सरकार/
हमार पहिचान घटाखन बरा जिन बन सरकार //

आपन अधिकार पाइक्लाग नारी कर बेर आन्दोलन /
हाँठ ओ गोरवाले लटाखन बरा जिन बन सरकार //

दुनियाँ जन्टिबाट हिलाकिचा खैटि बाटी हाम्र रातदिन /
ग्वारक धुरफेर चटाखन बरा जिन बन सरकार //

सिपार रठ थारू मिलखन बैस्ना हँस्ना खेल्ना कामकर्ना/
पैसाले थारू थारू फटाखन बरा जिन बन सरकार //

कबुनी हाँठ डोस्ना खैना डेओ कैख आज यीहे मनैनक //
रहल सारा बस्ती हटाखन बर जिन बन सरकार //

"निष्ठुरी " चिज चौधरी
धनौरी ८ दाङ्ग
आब:- दु:खद् संसार।